SICILIANU SUGNU ! |
|
Sicilianu sugnu e mi ni vantu e campu nta na terra china d’incantu, Isula mistiriusa e di razzi ammiscati, Trinacria di suli e di genti ospitali. Sugnu siculu e sicanu e a cu è gghiè stringiu la manu, sugnu grecu e sugnu feniciu e a la vita dugnu nu baciu, sugnu arabu e sugnu nurmannu e a nuddu nenti mai addumannu, sugnu spagnolu e sugnu francisi e mi scordu sempri 'nzoccu prummisi, sugnu abbreu e sugnu borboni e ra cammisa perdu buttuni, sugnu italianu e sugnu europeu e tegnu a cura ri chiddu ca è miu, sugnu mafiusu e sugnu onestu e vasu sempri a cruci di Cristu, sugnu catanisi e palermitanu e mi sentu Ulissi e Polifemu, sugnu tedescu e milanisi e parru u dialettu na vota o misi, sugnu americanu e australianu e nto cori sempri sicilianu. Sicilianu sugnu e mi ni vantu, nun sacciu cu sugnu ma nun mi scantu, pigghiu la vita a comu mi veni e cantu l’amuri a cu mi susteni. Fabio Messina 27 Giugno 2005, Palazzolo Acreide |
poesie siciliane
|
© 2004 Siculo.it - Realizzazione Art Advertising |